“Халыҡтың үлемһеҙлеге – уның телендә.

Иң ҙур байлығын – телен биргән халҡыбыҙ алдында һәр беребеҙҙең бурысы бар.”

 Мостай Кәрим

 

Ғилем өләшкәндән кәмемәй, арта ғына бара.

Риза Фәхретдинов

 

Туғанынан яҙған – ярты йәтим,

Туған теленән яҙған – мең йәтим,

Телде тоҙаҡларлыҡ ғәмһеҙлектән

Уян, халҡым, ҡуҙғал, милләтем.

Рауил Бикбаев

 

Ер йөҙөндәге иң ҡатмарлы, иң серле затҡа – кешегә аң-белем, тәрбиә бирә белеү – үҙе бер талант, тәбиғәт биргән ҡөҙрәт. 

Ғиниәт Ҡунафин

 

“Тел – тарих, быуындар, йәмғиәттәр бәйләнешен булдырыусы берҙән-бер сара”.

 Р.Ғ.Аҙнағолов

 

Сабыйҙарына ата-әсәләр туған телгә, тарихҡа, мәҙәниәткә булған ихтирамды бишектән үк һеңдерергә тейеш.

Ә ата-әсәләрҙе милли рухта тәрбиәләү – ул мәктәптең, йәмғиәттең, власть органдарының бурысы.
Мирас Иҙелбаев

 

“Үҙ халҡыңа һәм телгә булған мөхәббәт

 Бер-береһенә айырылғыһыҙ бәйләнгән”.

 Жәлил Кейекбаев

 

Халҡым теле миңә -– хаҡлыҡ теле,-­

Унан башҡа минең илем юҡ.

Илен һөймәҫ кенә телен һөймәҫ,

Иле юҡтың ғына теле юҡ.

 Рәми Ғарипов

 

Илем тиеп, туған телем тиеп

Беҙгә янмай кемгә янаһы?!

Ил – телемдең юлы ел – дауыллы,

Заманалар ҡабат болғауыр.

Ата – бабам ҡаны тамған ергә

Булмаһынсы хужа ят бауыр!

Сафуан Әлибаев 

 Афоризмдар